推介:| UGG | GENEHEAL 女神嬰兒排毒面膜 | MD skinical | MCCOSMETICS 西班牙去斑皇強效祛斑霜 | PROTOP | 鈙利亞阿勒頗手工古皂 | UGG Boots | Sheepskin Boots |

發新話題
打印

[疑難] 你地公司有冇d咁阿頭嫁????

你地公司有冇d咁阿頭嫁????

見到咁既上司真係好唔鋸囉,自己諗住自己係阿頭就係威係勢咩?
我地就唔係人,佢先係人! 我地係人,佢就係神! 
想人當佢係神拜,收買佢先岩? 我都係打份工者,駛唔駛咁過份?

佢只係一個廚房阿頭,連樓面侍應都要管埋。有咩資格,不如畀經理位佢做埋呀笨!!!
成日就對人多多要求,自己但就少少付出! 公平嗎?
先講講佢工作態度:
1.  懶散
。 當大家辛苦緊忙緊,炒場既時候直頭無左人影,或者就企埋一二邊睇d細做囉!一係就猛玩電話囉
。 下午茶靜d者,就見佢係打卡房爬係?到,頭一兩以為佢唔舒服,但愈來愈多次,牛高馬大真係咁易病?
。 更離譜既係,平時明明見更表見佢要開工,但可以無左人影几個鐘!係當自己落場扣鐘定呃鐘心照喇大家
(我個人覺得,身為一個上司唔係應該做個好榜樣畀d細睇,唔係自己係大就可以為所欲為,而對d細就嫌尖腥氣嫌三嫌四囉!)
。 出樓面trianing就成日企開一邊淨係同黑衫吹水,見到客舉手當睇唔到

2.  對人態度差劣
。 人總有錯既時候,樓面侍應錯單畀佢話,經常未搞清楚就開口話左人先好過份囉!自己錯就當無事發生
(我諗做過飲食業既人都好清楚,炒場忙既時候會亂會錯單總會發生掛!)
。 有試過某個樓面侍應肚餓想食少少野無開聲自取,就串人,但係自己係廚房就當自助餐咁不停食不停食
。 有試過對d新人吼,人地新人唔太熟悉者,情有可原
。 有試過未整好個面就拎出面檔,樓面侍應問佢拎單,就串人:乜你見我整好個面呢咩?未整好就唔好拎出面檔  啦,自己錯就串人囉
(講真錯單都係轉一轉者又唔係好麻煩,做得廚房都預左嫁喇!男人老狗特別小氣冇風度!)

*****我係樓面侍應唔太清楚佢係廚房既工作態度,但我已經睇到咁多野,可想而知佢係點做野!

再講下佢個人性格:
1.  囂張自大
。 自以為係廚房阿頭就好叻,吹到自己由細捱到今時今日個位,但係自己做野就其實唔多掂
。 成日話自己點點點實力派,講黎講去得把口
。 自己明明學歷低,但冇料又唔識收皮,講到自己係威係勢
。 唔會接受別人既批評,明錯仲以為自己好有道理,淨係識死剩把口

2.  樣衰又口賤
。 有新人黎反工,就?個都畀佢暗地塈撋外貌身材,成日踐踏樣貌比較醜既同事
(人地都有老豆老母生同養嫁!)
。 呢頭話人靚女/靚仔,果頭唱衰你正港女/宅男
。 淨係睇d女同事樣同身材,內在美唔理,膚淺!
。 連身邊既好朋友都可以嘲笑

宜家岐視人呀?2、3十歲人成個小朋友咁,唔成熟!明知成日得罪人,d人又唔鐘意佢!又唔會改善反省,仲大條道理批評反其他人點點點!自己就衣著冇 taste,出街見人扮型仔。

你地話呀,有無d咁既上司嫁唉= =
真係見佢前面憎佢後面!


相關搜索目錄: 飲食

TOP

TOP

發新話題


重要聲明:本討論區是以即時上載留言的方式運作,本網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。本討論區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright 1997- Xocat. All Right Reserved.