推介:| 廚具餐具 | 烹飪課程 | 紅白酒 | 咖啡 | | 蒸溜水 | 濾水器 | 中餐館 | 甜品店 | Coffee Shop 咖啡店 |

發新話題
打印

[原創] 同大家一齊遊深圳“洣水河”

同大家一齊遊深圳“洣水河”

同大家一齊遊深圳“洣水河”
周末終於得閑又同一大班sofood的師兄師姐去試吃了。呢次目的地系華麗路新開的“洣水河湘攸大碗菜”,應該話系鳳凰路的雙喜酒樓過一D會比較多人知。講真句,開果個位置,雖然近路邊,但路邊冇任何餐廳標記,而且餐廳門口前系空地,如果唔系特登去或者有人介紹的話,好多人唔知有餐廳系度。因為華麗路人較少,車都唔系好多。總之位置唔明顯。

味道:****
環境:****
服務:****
衛生:****
抵食:****

好啦,宜家同大家介紹下噚晚的戰績啦。

金錢蛋,15蚊。睇樣好像分量唔多,其實好多,因為拍照技術唔啶,大家將就下啦。呢道菜系我覺得比較好味的一道鎹。大家是否想知道呢個鎹的做法呢?問過廚師:雞蛋煮熟,去殼,切片,過油,用辣椒粉炒,加裝飾品,裝盤。大家是否覺得做法好簡單呢?其實要做得好味,系要功夫的。蛋系外脆媢遄A鹹淡適中,加咗辣椒粉炒,有少少辣,但好味,好香,而且好大碗,15蚊,超抵,值得推薦!

茶樹菇湯,廣東人食嘢,湯系必點。呢個湯系瓦缸喂湯,煲得夠火候,龍骨都煲淋咗,龍骨加茶樹菇,清甜,冇味精味,好味,38蚊,一大煲,都系一個字:贊!

紅燒豬腳,塊塊都系真材實料。豬腳煮得啱啱好,皮有質感,唔系好淋,成塊豬腳有小小咬勁,而且入味,雖然加咗辣椒,有少少辣,但一D都唔影響味道,反而會人食咗之後唔會在滑膩感。25蚊,大份量,抵到不得了,系其他餐廳隨便點個紅燒豬手都要三十幾蚊個。值得推薦!

剁椒魚頭,睇樣好多辣椒,綠的,紅的,其實唔辣。可能系店家為咗迎合我哋呢班唔食辣族而特登做成唔辣的。我唔肯定魚頭是否草魚魚頭,吃起來無腥味,因為系比較大的魚,所以冇乜細骨,魚肉較新鮮,好鮮甜,肉較滑,食時蘸D汁,會更加好味D。招牌果然系招牌,唔錯!

攸縣血鴨,睇樣唔系好靚,但味道不同凡響。好香,有小小鹹,好味。但鴨肉切得好細,所以骨堶惘陸弩H,我分唔清邊D系內邊D系血。正好店家所講:肉揾血,血揾肉。大家自己揾啦。

蒜得牛肉,呢道超多油。好多蒜頭,好多牛肉,分量好足。牛肉片唔好老,夾住蒜頭一齊食,超好味!

農家柴火臘肉,好重的柴火燒過的味道。個人口味,我唔中意,無法評價。

攸縣香乾,豆腐乾較嫩,加咗好多佐料,惹味,但皮不脆,扣分。

紅薯粉肉沫,炒得唔錯,夠味,而且不油不乾,盤底無汁無油,廚師有料。肚餓的話,可點來安慰下個肚先。

空心菜,廣東菜的做法,青菜一個,無特別。
最後店家贈送一個——涼拌炒飯,幾好味,唔錯。

呢家新開張,環境衛生都唔錯,菜品都算OK。個人覺得唯一不足系位置問題,如果系路邊做個顯眼的招牌可能會好D。

餐厅详情及优惠券下载:http://www.sofood.cc/restaurant_sr.php?shopid=2423


相關搜索目錄:

TOP

發新話題


重要聲明:本討論區是以即時上載留言的方式運作,本網站對所有留言的真實性、完整性及立場等,不負任何法律責任。而一切留言之言論只代表留言者個人意見,並非本網站之立場,用戶不應信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故不能完全監察所有留言,若讀者發現有留言出現問題,請聯絡我們。本討論區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。


Copyright 1997- Xocat. All Right Reserved.