大波老婆好夠秤

totalwar2

2024年再重寫，希望可以寫到超過20章。

totalwar2

　　1

          「喂呀衰佬，我要拖呢度呀，縮腳先啦。」

　　平時星期六日，唔使返工，我多數都會留喺屋企，打吓機，訓吓教，懶洋洋咁過吓日晨。

　　不過老婆呢，就多數左騰右騰，又話呢度污糟，嗰度大塵，拖完地又執呢樣執嗰樣。

　　

　　「放假就抖吓啦，咁頻撲做乜？」

　　「你理得我啫！屋企咁大塵，唔拖吓點得呀？順便減肥吖嘛！」

　　睇住個衰婆著住件貼哂身嘅小背心，波揈揈屎忽扭扭咁，烏低身拎住地拖拖嚟拖去，搞到周身汗，成屋都係佢陣除，都唔知係佢啲汗味定係佢塊田嘅閪味。

　　雖然係咁，不過我都由得佢。點解？除咗因為佢係老婆，最重要係佢好鬼好身材。

　　大脾好肉地就唔在講，結實嘅大屎忽，坐蓮磨鳩一流；腰又唔粗，最正嘅係心口有對成尺闊嘅J cup木瓜波，又大又墜手，兩隻手都搾唔哂一邊波，就算戴住bra，對嘢都可以揼到落去遮住肚臍。

　　佢為咗令自己睇落去唔太肥，最鐘意喺屋企唔戴bra，著埋啲貼哂身嘅熱褲同小背心，所以平時喺屋企睇住呢個衰婆拖地執屋嗰陣，對木瓜波吊喺半空左揈右揈，趌起個大屎忽，搞到成身汗透哂lin餅飛哂釘出嚟，件背心同熱褲俾波溝同屎忽溝啲汗染到有一條汗漬，都可以話係一種視覺享受。

　　不過今次嘅星期日，就有啲唔同。

　　老婆公司搞dinner，順便搭檯幫個女職員搞埋結婚喜事，話今晚要帶埋我去飲。

　　「唔去得唔得？」

　　個衰婆喺女model公司做文職，女多男少，今晚個dinner肯定勁多女人，三姑六婆，咩閪都有。

　　「唔～得～。嗱，我依家去換衫喇，你喺廳等我。」

　　我係好唔想去，不過諗諗吓，又真係好耐冇點同老婆出吓街。見佢屎忽扭扭咁走入房閂埋門換衫，幾十歲人，成個細路女咁。

　　佢對波有幾大身材有幾勁，邊度有毛邊度冇毛，一齊咁多年乜都俾我睇哂啦，仲閂門嚟做乜？肯定有啲嘢，好啦，悶悶地，去咪去，睇你玩邊科。

　　點知等吓等吓，等咗成粒鐘，仲未見佢出嚟。

　　「喂，老婆，搞掂未呀？換衫換成個鐘，喺房搞咁耐搞乜鳩？」

　　「知啦，衰佬，咪催喇。」

　　「我仲未換衫㗎。。。」

　　「得啦得啦。。。。」

　　老婆係房入面答咗句，好快就打開房門，一陣淡淡嘅清香即刻傳過嚟，我一睇，嘩，個衰婆化好哂妝，仲著住嗰套最少布嘅緊身摟屌裙，挺起心口嗰兩舊露哂波邊嘅木瓜奶，兩球嘢浪吓浪吓咁走出嚟，著到好似冇著咁，睇到我碌鳩都跳咗吓。

　　雖然都估到佢今晚叫埋我去飲係有啲嘢，但冇估到個衰婆居然會出動到呢件摟屌裙。

　　「著到咁搏，唔通佢公司班妹妹仔真係好掂？」

　　我走埋去老婆隔離，索咗兩索，乘機高抄昅吓佢，見佢打出哂個白滑心口，條波罅成半尺長咁露哂出嚟，波罅附近啲肉谷起哂，驚死人睇唔到咁。

　　老婆呢套摟屌裙最攞命嘅地方，上身只係得嗰V字開胸薄巾當係奶托，勉強從下而上掅住對波底，然後兩條巾嘅尾部拉到上條頸後面就咁笠個扣，好唔隱陣，露腰露背之餘仲露哂波邊波罅，行步路都搞到對波浪吓浪吓，動作大啲就會成隻波漏出嚟。一個唔該俾人搞甩頸後面個扣，肯定即刻甩bra走奶咁彈哂對波同對lin餅出嚟俾人睇。

　　下半身就仲痴線，條裙短撚到只係啱啱好遮到去屎忽兩舊肉，紮到個屎忽紮糉咁紮，下面兩隻腳完全冇遮冇掩，一坐低實露底。

　　「唔怪得啲人話呢啲衫叫做摟屌裙，包到個籮柚好似冇包咁，真係好撚摟屌。」

　　第二啲女人著都可能冇咁誇張，不過我老婆上半身對J cup大波又重又揼，波底啲肉特別肥美大舊，好似條上窄下闊嘅大木瓜咁，俾上半身嗰兩條薄切切嘅V字巾抽掅住，比全裸無著個陣時，對波搖得仲勁，睇落去對奶好似好重，隨時好似會揈出嚟跌落地咁。

　　而且條裙短到只係包住老婆大大個屎忽嘅三份之二，大脾同屎忽之間嘅臀緣完全突哂出嚟，加上老婆條腰唔粗，大脾肌肉都仲好結實吓，呢件摟屌裙令佢睇落去好易令人覺得佢瘦底大波、籮大腰幼，係個好適合坐住男人碌鳩嚟磨嘅體型。

　　一個咁好肉地嘅磨鳩人妻著成咁，係男人見到都一定會有反應。冇反應嘅，除咗搞基同性無能之外，就剩返一個原因，就係嫌佢老。

　　「老婆，噴到個身咁香，孭個界波袋逼到對奶突哂出嚟，條裙包得嗰半個屎忽，今晚全場仲唔係你玩哂？今晚你出嫁定係你同事出嫁？」

　　索多兩索佢身上陣除，搞到我都扯扯哋。

　　「昅夠未呀衰佬，快啲換衫出門口啦，一陣去到咪鬼亂講嘢呀，費事返到公司俾人唱我老公鐘意挖古井煲老藕。」

　　老婆烏低身趌起個饅頭咁款嘅大籮柚去著高踭鞋，谷行哂大脾小腿啲肌肉，露哂底褲之餘仲倒哂奶咁，佢唯有用手逗住對波。

　　我之所以話唔係全部男人都會對我老婆呢種磨鳩肉彈有反應，因為老婆今年已經52歲。

　　52歲嘅女人，俾人感覺差唔多係個阿婆咁濟，揼奶巢皮乾哂水。

　　偏偏老婆唔知係天生基因好定係俾我屌的多，長年累月吸哂我啲「精華」，採陽補陰，今時今日都仲保持到40歲咁嘅樣，波大籮大，著衫出嚟心口永遠都係漲卜卜，大包米。

　　佢對波同個籮吸手好搾唔在講，屌屌下對lin仲會漏奶。塊閪多肉又多汁，閪窿又窄又淺，一下就屌穿，M到就俾我屌屎眼，係我屌過咁多個女人之中屌得最過癮嘅一個。

　　「你都係嫌我唔夠老啫，早講吖，等我剷個地中海中禿髮型再同你去。」

　　我用手擸起前額嘅頭髮，露條髮線出嚟。

　　老婆係咁笑，用手打咗我膊頭一下，笑到對J cup 木瓜波喺咁喺度震。

　　老婆叫我去到唔好亂講嘢，驚俾同事講是非，都唔係冇原因。

　　我今年29歲，同比我大23年嘅佢喺一齊，算係少夫老妻。出街拍埋一齊，有心留意嘅都會睇得出我哋年齡之間嘅差距。

　　初初識老婆個陣，我16，佢39，係個啱啱生完仔仲未收奶嘅單親大波靚媽。

　　以前同老婆出街拍拖，成日俾人以為我哋係兩仔乸。最痴線試過去拖住佢去澳門，喺街迎面遇到兩個黑鬼，啱啱行過，就聽到有條黑鬼喺我後面細細聲爆咗句：「He mother fucker?」唔知當時老婆聽唔聽到，不過我就唧聲笑咗出嚟。

　　呢個女人年紀俾我大咁多，又生過B，點解我仲會揀佢做老婆？

　　無嘅，我最鐘意就係屌人老母，細個最想做嘅就係搾到啲四五十歲嘅肉地大波靚媽噴哂奶，再插條撚入去佢哋個閪入面射精。

　　當年我唔單止貪佢夠老夠大波，仲貪佢虎狼之年，生完之後好大食，日日都要扑嘢，對波仲好多奶水，奶漲到成日飛釘漏奶。

　　佢鐘意用個含撚嘴幫我含撚含到天光，我扯盡碌鳩俾佢搾，佢兩隻手都搾唔哂，仲啱啱好可以突個龜頭出嚟，等佢好似搾住碌唧唧冰咁一路搾一路啜，夠佢玩成晚。

　　而佢呢，就貪我夠嫰口，貪我碌鳩唔太粗，但又夠長夠硬，可以屌穿佢塊田，屌到佢噴水噴奶。

　　嗰時佢對奶已經漲到K cup咁大，著咩衫都係突哂個心口兩個瓜型出嚟，剝哂衫就可以睇到佢對奶真係又厚又多肉，波型就好似兩條長型嘅脹爆冬瓜咁，又或者係兩個就嚟撐爆嘅水袋，拉長揼到落小肚附近。

　　對奶漲成咁，奶水多到漏唔停，成日件衫心口濕咗兩撻嘢，搞到佢日日都要泵奶餵奶。

　　俾我遇到呢件淫底大波老母，我梗係唔會放過佢啦，仲要咁好奶水，一定要幫佢飲梗啲，仲要一路飲奶一路係佢個閪入面射精。

　　嗰時我起勢咁溝佢，一追到手，就日日夜夜係咁玩佢對波。我最鐘意就係訓係佢大脾上面，用塊面頂住佢波底嚟幫佢啜奶。啜到咁上下，我都一定係忍唔撚住，扯撚哂旗，佢就好識做咁，伸隻淫手去我條褲入面拎條鳩出嚟，一路用對奶壓住我俾我啜奶，一路幫我打飛機，打到射精為止。

　　唔知係咪老婆啲人奶特別好營養，飲撚到我碌嘢越嚟越勁，佢啲奶俾我啜哂，我碌鳩都未射夠，射到佢成手都係精，條撚都仲係扯起個龜頭對住佢，搞到佢嫌幫我打飛機打到佢手軟，改為用佢對壓死人嘅木瓜波夾住我條撚，捽吓捽吓咁做乳交。

　　俾佢對極品木瓜波夾住嚟捽，射得仲勁添，次次射到佢成面成對波都係精液，仲難搞過用手幫我打飛機，結果佢決定騎住我碌鳩嚟俾我幫佢啜奶，用個閪嚟接住我啲精。

　　個陣真係好撚爽㗎，我攤係張床上面一柱擎天，佢就趌起個巨形屎忽騎上嚟，個閪窿一套住我條撚，就係咁起勢un，un到啪啪聲。

　　好多時我都係專登忍住唔射，因為等佢un到咁上下，又或者個衰婆想提早收工，佢個閪會突然夾到好緊，每次去到呢個時候，我就算點忍都忍唔住，俾佢個閪格硬搾哂啲精出嚟，呢嗰時候射精，係最high最舒服嘅。

　　不過我有時睇住佢對腳踩住我大脾側邊嘅床褥嚟借力un，un到連啲腳趾都抓實哂張床單，凹哂入床褥入面，見佢咁肉緊用個閪窿嚟幫我打飛機，我都會早啲放鬆射精入佢個閪度，等佢可以抖吓。

　　只係佢對K cup 嘅極品木瓜奶，真係又重又墜手，吊係我塊面上空係咁左揈右揈，揈到好似想甩出嚟咁，我兩隻手都未必可以捉得實佢一邊奶，佢騎得肉緊嗰陣，就連人奶都揈埋出嚟，呢頭明明幫佢吸哂啲奶，佢個大屎忽un多兩un，啲奶又出過嚟，揈到我成面都係，我用手一搾，啲奶好似豆漿咁係塊朱古力咁黑嘅大lin餅度飆哂出嚟，又要幫佢啜過，搞到對波又滑又跣手，接都接唔住。

　　原本係我用口幫佢吸奶，變咗佢用人奶幫我洗面，最後老婆為咗唔好哂咗啲人奶，索性抱埋個B騎上嚟，一路同我扑嘢，一路俾我同個B幫佢吸奶，。

　　嗰時我真係high撚到暈，睇住呢個大奶老母，一路餵奶一路騎我碌鳩，視覺同肉體上已經好刺激好震撼，佢個閪窿仲要特別淺，一騎上嚟就已經用子宮口啜住我龜頭，舒服到我真係多多精都唔夠射。

　　等佢個仔再大過啲，就俾咗外母湊，佢自己就同我一齊住，都依家，我都好多年冇見過佢個仔。

　　直到依家，老婆對波都仲keep到有J cup咁大，只要我搾多兩搾，屌得佢舒服就會有奶出。

　　就係咁屌吓含吓，摷吓搾吓，咁就十幾年。依家我個樣可以叫做比以前冇咁細路仔，同老婆由兩仔乸咁款慢慢變到似返做兩公婆咁。

　　而老婆個樣同副偈就真係唔係講笑，越老越索，過咗咁多年，佢嗰對頭窄肚闊嘅木瓜大波，雖然由K cup縮到落J cup，但著起衫嚟心口依然都仲係大大包米，有時啲波肉仲谷哂喺條腰前面，波底揼到去肚臍位，遮住哂條腰，從側面睇佢對波嘅厚度，仲厚過背脊，行路動作大少少，對波已經可以好似唔受控咁係咁浪係咁搖。

　　而嗰躉呢，就仲好結實，仲keep到成個饅頭型咁，用手拍落去可以聽到好清脆嘅啪啪聲。行起路上嚟，籮友兩舊肉又圓又厚，係咁左右左右互相迫嚟迫去，相當摟屌。

　　大脾係粗咗啲，好在腰冇粗到，兩隻腳又唔算短，對大脾仲同小腿一樣，漲卜卜得嚟好結實，所以睇上去對腳仲好似好修長。佢一蹺埋對腳，啲肌肉成條谷起哂，一睇就知老婆呢個安產身型，係個好適合騎住男人碌鳩嚟俾男人屌嘅扑嘢極品。

　　有時同朋友傾開計，話我老婆呢個年紀，副偈都仲咁正，仲咁好肉大波，晚晚肯定好多嘢玩。

　　都係嘅，只要用PS執吓衰婆啲相，真係同日本AV啲五十路大波熟婦冇咩分別。

　　不過呢幾年，我梗係覺得，生活好似差梗啲嘢，差梗啲咩，我又講唔出。

　　好似明明老婆咁好波好肉地，應該好有性趣至係，偏偏呢幾年對住老婆冇乜性趣，每晚係咁意搾下屌下就訓。

　　以為轉基不舉，開返以前睇開嘅熟女中女AV，又好撚有癮，不過打吓飛機又好快收隊，真係冇哂以前十幾歲嗰時個種衝動同咸濕。

　　直到依家睇到老婆著到咁少布，露哂啲手瓜腳瓜肉出嚟，個死人界波袋勒到佢對成尺長嘅木瓜波變哂形，我突然間好似搵翻啲嘢咁。

　　「我哋搭車去定揸車去？」

　　老婆烏低身倒哂奶，一路著鞋一路問。

　　我乘機昅下佢對柔軟大揼奶，又見佢對高踭鞋冇鞋頭，露哂啲腳趾出嚟，腳趾甲上面啲紅色甲油好新淨，應該先頭喺房入面補過嚟。

　　「搭車啦，今晚個場離屋企咁近，費事搵位泊車。」

　　我一路望住老婆成尺長嘅波罅，一路答。

　　咁多年嚟，同佢出街，佢唔係俾人偷拍，就係俾麻甩佬喪昅、頂屎忽、揩波皮。

　　有一排佢嫌自己肥，太大波，著衫好麻煩，索性連bra都唔戴，就咁真空出街。

　　天氣凍都仲可以，一到天氣熱，著啲薄啲緊身啲嘅背心，對波就好似成對炮彈頭咁向前隊哂出嚟。

　　老婆唔戴bra，對木瓜波冇咗承托，揈嚟揈去冇時停，波型同對大lin餅仲透哂喺件衫上面，引到街邊啲麻甩佬眼甘甘咁昅完又昅，俾我話吓佢，佢先至肯搵塊乳貼貼吓佢個對有成手掌咁大嘅大lin餅。

　　所以有段時間，我好鍾意帶老婆去人多嘅地方，等佢迫吓車迫吓lift，睇吓佢仲夠唔夠膽唔戴bra揈住對波嚟同我出街。

　　嗰時發現一到人多地方，睇住啲男人扮撚哂嘢，專登搵個身挨埋落老婆對波度，頂到老婆啲波肉吱到去老婆條腰兩邊，原來好撚過癮。

　　所以有次帶老婆去迫巴士，我專登前後腳上車，等老婆上車先，然後扮俾人打尖，隔幾個人之後再上，睇吓會有咩事發生。

　　果然老婆一上到車，就即刻有兩個男人迫埋嚟，一前一後咁迫住佢嚟企。我即刻搵嗰靚位嚟企，就喺正老婆後側方昅嘢。

　　架車係咁湧啲人上嚟，好迫，好在都勉強睇到老婆，見佢前面個男人用心口頂住佢對木瓜波，後面個男人就用下面頂住佢個大籮柚，好似三文治咁，將我老婆夾正喺佢哋兩人嘅中間。

　　老婆又厚又軟嘅波肉同屎忽肉，就咁就俾人迫到扁哂，向住側邊唧哂出嚟，好似就嚟唧爆件衫同褲咁。

　　老婆喺車見唔到我，俾佢地前後夾到頭耷耷，唔敢出聲。

　　嗰兩個男人見老婆冇咩點反抗，開始詐詐締締，左扭右擰，一前一後咁迫住老婆慢慢係咁磨。

　　最仆街係，架巴士停吓又行吓，行吓又停吓，搞到成車人都跟住架車前後咁搖。前後夾住老婆嗰兩個男人，乘機就跟住搖，頂住老婆對波同籮柚前後chok吓chok吓。

　　老婆咁樣俾人夾住嚟chok，邊企得穩，只可以舉起哂兩隻手，露哂格嗱底出嚟，面紅紅咁搏命捉住頭頂打橫嗰條扶手，搞到佢好似係巴士度俾男人吊起兩隻手前後夾住嚟屌咁。

　　嗰時我係後面睇住老婆咁樣俾人前後夾住磨，雖然睇唔到前面個男人有冇搾我老婆對波，但老婆籮柚咁圓咁漲，後面嗰男人可能已經隔住條褲將碌鳩攝咗入佢屎忽坑裡面，睇到我碌鳩都開始漲漲哋。

　　嗰種視覺震撼得嚟又帶啲酸酸軟軟嘅性快感，我到依家都仲好記得。

　　好多次同個衰婆出街搭車，佢事後都會問我，你知唔知先頭搭車個陣，啲男人係咁挨埋嚟？

　　我梗係答唔知啦，我就係想睇吓你俾人挨埋嚟嗰陣時個衰樣，邊個叫你咁鬼大波大籮又唔戴bra出街？你一個籮柚都夠企兩個人位，人哋唔嫌你挨對波同個籮柚埋去都算偷笑。

　　不過好快我又唔知點解冇再咁玩老婆，冇咗呢鋪癮。

　　直到今晚，睇見老婆心口嗰對幾乎全裸嘅揼肚木瓜奶，連著對高踭鞋都要露哂啲腳趾出嚟，髹到啲腳甲紅噹噹咁，我突然覺得，似前嗰鋪癮好似返咗嚟。

　　「吓？搭車？我著到咁點搭車？等我笠返件褸先啦。」

　　衰婆踩住對露趾高踭鞋，急急腳波揼揼咁走返入房拎褸。

　　女人就係咁多鳩餘，明知自己著到好似冇著咁，就應該叫我揸車，仲問咩搭車定揸車？

Firstaid

廣東話口語化，非常之好

kwong9327

good, good

peterpeterpet1

非常精彩

totalwar2

2.1
       我帶住老婆，隔住佢件褸單手攬住佢條腰，同佢去到佢間model公司搞dinner個場嘅入口做登記，然後就入去搵位坐。

　　一入到去宴會廳，已經有好多人喺裡面，都幾嘈吓，仲如我所料，幾乎全場都係女人，想搵個男嘅都難。

　　可能我真係好耐都冇去過咁多人嘅地方喇，真係覺得哩度好嘈。

　　不過呢度啲人，個個都好似好開心好精神咁，好多都係四五個人圍埋一齊喺度吹水，著到身光頸靚，望遠啲麻雀檯嗰邊仲有成班女人，洗牌洗到噼哩啪啦，嘈係嘈啲，不過個場氣氛都算唔錯。

　　大公司即係大公司，就咁睇落應該訂咗唔少圍檯，老遠最埋邊有個舞台，有班人喺度set緊音響之類嘅嘢。

　　「喂～Linda～你到喇？咁遲架，就食得先嚟到，諗住搵你打返兩圈㗎嘛。。。」

　　老婆帶住我走嚟走去，搵我哋嗰圍枱，突然有個後生女，唔算好靚，唔大波，一般貨色，唔知喺邊堆人度走出嚟，截住我哋兩個，想要同我老婆吹水。

　　但係條女對眼，就眼甘甘咁望住我。

　　我最唔想遇到嘅事，終於都要發生。

　　「咦，你隔離嗰位係你老公呀？好白淨好後生咁喎，同Linda你好襯呀，你邊度識啲咁後生嘅男仔㗎？」

　　「吓？乜 Linda 有老公嘅咩？喺邊呀？睇過～」

　　「呢度呀，呢，嗰位白白淨淨冇乜鬚個位啊，呢度有幾多男人啫，咁你都睇唔到～」

　　「喂 Linda 姐，仲有冇貨呀？介紹件俾我識吓？」

　　「公司多幾件呢啲就好啦，唔使靚仔㗎，好似Linda老公咁正正常常就得啦，公司就梗係請唔到呢啲嘅。。。」

　　附近啲女一聽到老婆Linda 隔離個件男人係佢老公，即係我，個個都走哂過呢邊哄埋嚟睇，街市買餸湊熱鬧咁。

　　「 唉，又試係咁。。。。。。」

　　算，反正都唔係第一次，其實我都大概估到，點解老婆要我嚟。

　　我由入場到依家，見到個場真係好多後生女，有啲仲有男朋友陪添，好少有好似我老婆Linda，五字頭咁嘅年紀。

　　個樣大啲嘅，最多俾盡得40歲。不過都見有幾件冇咩點keep身材，冇波又冇樣，頭又唔set衫又唔襯，睇上去老咗十年，成個阿嬸咁。

　　而男嘅就更加少，眼見到嘅可能十隻手指就數得哂。有後生，有老嘢。中佬咁嘅款暫時又真係好似得我一個。

　　今晚咁多後生女喺度，有啲仲有男朋友陪，老婆年紀又唔係細，仲要咁大波咁索，唔帶埋我呢個老公出嚟俾人睇吓點得呢？

　　帶埋隻狗去公園散步感覺上都威啲啦，係咪？

　　「呵呵～係呀，我老公個樣係咪好後生呀？拖佢出街去鋪頭買衫，人哋以為我拖住個仔出街買嘢呀～」

　　老婆喺班女同事面前好似變咗個八婆咁，笑都笑得衰過人，講嘢又講到好似以為人哋唔會聽得明咁。

　　「咪睇我老公冇咩嘢咁樣呀，同佢出街，叫佢行東佢就行西，成日踩到我隻鞋，好似成隻甩咗繩嘅狗仔咁㗎。」

　　佢對住班後生女同事講完，轉頭就喺我耳邊講：

　　「老公，你埋位先，我同班妹妹仔傾完再搵你。」

　　「妖。。。」

　　我反咗吓白眼，點吓個頭，就一個人去搵我哋嗰圍檯。

　　我搵嚟搵去，差唔多兜咗個圈，先發覺我坐嗰圍檯就喺正角落頭，離個舞臺最遠嗰張，又唔近其他檯。

　　感覺上呢圍檯，係零舍擺得遠，好似係臨時喺角落頭加多張檯咁。

　　「搞咩張檯擺得咁柒鬼鼠㗎。。。又唔撚跟檯號擺，叫人點搵？」

　　再行近啲睇，呢張擺到離哂群嘅大圓檯，上面鋪咗張白雪雪嘅檯布，酒杯碗碟分好哂，十張挨凭椅好整齊咁，圍住張大圓檯側邊嚟放。

　　依家一張挨凭椅都仲未有人坐，我將會係第一個埋位。

　　我拉開最埋邊嗰張櫈，戇鳩鳩咁，坐咗喺度。

　　「又話叫我嚟到咪亂講嘢，佢自己就成隻開籠雀咁，乜撚都講哂俾人聽，啲女人真係。。。」

　　呢張檯雖然擺到離哂群，但對我嚟講唔算太差，起碼呢度周圍冇咩人，又唔太嘈。

　　一陣好快就會坐到成檯都係女人，就當俾我偷得浮生半日閒，橫掂一場嚟到，順便昅吓我想昅嘅嘢。

　　老遠睇見老婆上半身笠住件褸，雖然包得密密實實，但下半身屁股對落乜都冇包，件褸仲俾心口對木瓜波撐到拱起哂，依然好易俾人睇得出，老婆係嗰「心胸」好「廣闊」嘅女人。

　　睇見佢谷起對白滑厚脾咁同佢啲妹妹仔同事吱吱喳喳噏唔停，我都冇眼睇。

　　「先生，想飲啲咩咁呢？」

　　呢個時候，有個侍應過嚟問，我叫佢倒啲水落我面前隻玻璃酒杯度。

　　「水得啦，唔該。」

　　我繼續四圍昅，呢度真係幾乎得後生女，有啲仲真係幾靚女添，不過講到身材，尤其係對波，多數都係細。

　　「又會咁多平胸乳鴿嘅。。。」

　　其實呢度好多女個樣同身材都真心唔錯，只不過我呢個咁鐘意屌人老母嘅胸奴人，最鍾意就係睇埋哂啲唔啱比例嘅嘢。

　　所以一入到嚟，我就已經周圍昅，睇吓有冇啲keep得好，對波又夠大又夠揼嘅靚老母，睇吓呢度有冇女人大波得過我老婆。

　　只係先頭老婆一直喺隔離，廢事昅得咁張揚，依家終於可以俾我一個人坐喺度慢慢昅。

　　「呢位巴打，好嬲豬咁嘅樣喎？乳豬都未上，咁快就想食乳鴿？」

　　就等我昅到有幾件好似幾正嘅老母，無端端就聽到我後面有把女人聲。

　　我轉頭想望去後面嗰陣，已經有個頭髮長到落心口嘅女人，拉開我隔離張凳，坐咗喺度，仲陰陰嘴咁，望住我笑。

　　「。。。。。。」

　　我扮聽唔到先頭句嘢，想唔睬佢，但唔覺意同佢對望咗一眼，唯有唔尷唔尬咁，對住佢微笑咗吓。

　　「失驚無神有條咁嘅女坐埋嚟搭嗲都有嘅。」

　　我之所以唔出聲，除咗仲係有啲嬲嬲哋之外，係因為我隔離呢個女人，戴住個方框眼鏡，下巴尖尖，鼻樑都幾高，外表睇上去好成熟好專業咁，可能隨時係老婆公司某啲高層，我費事講錯嘢得罪人，都係搞清楚對方係咩料先再算。

　　而且令我有少少驚奇嘅係，我居然睇唔出呢個女人有幾多歲。

　　我最想係昅吓佢對波有幾大，可惜同佢嘅距離咁近，咁樣直接望落佢個胸，會好顯眼，俾佢發現咗，盞俾佢當場屌鳩我做咸濕佬。

　　所以向呢嗰方框眼鏡女人微笑咗一下之後，我就坐返正個身，對眼望返去檯上面我嗰杯原本裝咗半杯水嘅酒杯，再用手拎起，飲返兩啖，濕吓個口。

　　「你。。。就係 Linda 老公？」

　　隔咗陣可能個女人見我唔出聲，於是又問多句。

　　我放低隻杯，向佢擰轉少少面，用眼尾睄咗佢一眼，好禮貌咁微笑點咗吓頭。

　　「你真係 Linda 老公？你睇落去好細個咋喎，成個怕羞仔咁唔出聲嘅。」

　　我老婆喺公司職位唔算低，居然有人趁佢唔係度嗰陣，咁樣同佢老公，即係同我，咁樣講嘢。

　　我估呢個女人，一定唔嘢少。

　　「啊。。。哈哈，係咩，真係唔好意思，呢度咁多靚女，對我呢啲宅男嚟講都真係算喺大場面，一時唔太慣啫。」

　　我真係好希望依家個場，會好似駭客電影情節咁，有hacker搞到個場大停電，等我可以趁住周圍黑媽媽偷偷哋走人，返去早啲訓。

　　「哈哈哈，邊係呢，睇你都應該講得笑玩得吓喎，俾著第二個男仔，一早寸返我囉～唔怪得你可以做到 Linda 老公啦～」

　　個眼鏡女噗咗聲笑咗出嚟。

　　呢條女，都真係幾寸吓。